The worst is yet to come (round 4)

利率跌穿0已經係難以相信﹐點知尋日仲要打破埋另一個不可能

五月的期油一路跌落去﹐1蚊1蚊咁跌落去﹐Blog主cap圖都cap唔切﹐當cap到0.01個陣仲以為好勁﹐點知一下就穿0﹐最後去到-37收市。當然你可以話無咩參考價值﹐但可以肯定的係油價已經唔再正常﹐無位存放呢個情況唔會突然消失﹐要消耗快過產出好多先得。如果唔係﹐呢個情況就只會不斷係結算前出現。而當你知道個價係結算前好大機會跌到負數﹐作為交易員就一定係月頭不斷開油的淡倉﹐令油價再加劇下跌。

一句講晒就唔好去買咩3175﹐死的速度同牛熊差唔多

(PS: 一講到油又會拎埋國泰出黎﹐今次佢真係死得好慘﹐已經減緊燃油對沖﹐但竟然都會奶野﹐仲要係奶晒野﹐RIP) 

(Edit @19:31 GMT; 寫呢篇個陣油價仲係11蚊﹐點知即日就試過落到7蚊樓下﹐相信黎緊都不斷出現咁的情況)

國泰三月數據+預測

正如上一篇所講﹐想睇下國泰三月情況會係點。今日就出左數據﹐當然就好嚇人﹐更嚴重的係國泰自己講左係四月十二號呢個禮拜中有一日載客量只係302人﹐對Blog主黎講係一個諗唔到的數字﹐姐係一架巴士一日載客量都多乘客過國泰整個機隊。

下面幅圖就係三月同埋YTD的數據

來源: 二零二零年三月份客、貨運量數據

第一樣野就睇到到底好幾恐怖﹐客運YOY就跌九成﹐真係靠外國回港的學生頂住﹐中國同埋東南等同死晒。
第二樣野就國泰已經將可載客量cut左七成﹐但係運載率都仲只係唔夠五成﹐姐係話,仲有一半架機係空﹐慘不忍睹。
最重要的一樣野係內文到

在四月和五月，我們只會營運少數基本的客運航班，相當於正常運力的 3 %。

簡單黎講姐係無客運﹐得番貨運。但係貨運都係要跌三成半﹐而且唔少貨運都係用客機載貨﹐而家無客運就會連累埋貨運。

Blog主而家擔心的係國泰到底有無錢營運落去﹐因為已經係無晒客運收入﹐而且旅客不斷取消機票﹐對佢的現金流好有影響﹐有無錢還債都成問題。


以下黎個簡單的計算:

19年國泰加港龍客運收入720億﹐佔所有收入的七成﹐貨運就210億。假設個收入係每一個月都係咁的表現﹐咁一個月客運收入60億﹐貨運就18億。2020年三個月的客運:一月大約持平﹐二月跌六成﹐三月跌九成﹐而四五月就跌九成七﹐假設埋六月好好彩只係跌七成。咁大約上半年客運收入就只係得番112億。再假設埋因為大需求國泰可以加到五成票價﹐都只係168億。

貨運方面﹐一月跌5%﹐二月跌7%﹐三月跌三成﹐假設剩番三個月都係跌三成﹐再計大五成收入﹐咁個收入就會係124億。
姐係話﹐國泰加港龍上半年客貨運收入就只係292億。

集團19年係營業帶黎的現金流有185億﹐係總收入的17%﹐用呢個比例去計的話咁上半年的現金流就有5億。

集團19年流動資金有149億﹐再加上信貸最高可以去到204億﹐但係20年到期的債就有415億。

姐係話本身已經唔夠現金流還2020年的債﹐而家再加埋上半年得番幾億的現金流﹐好肯定國泰會有事情發生﹐最簡單未延長債務﹐又或者再問銀行借。但咁的時勢仲有幾多銀行肯借。因此Blog主認為會出現以下其中一個事情

1. 要供股﹐但係大股東太古自身都難保﹐係石油業務都蝕唔少
2. 賣左手上的國航﹐國泰而家手上有國航18%股權﹐值41億

當然以上兩個option都係好大膽的預計﹐但國泰唔似其他Flag Carrier的航空公司有政府出手補助﹐頂唔頂到個疫情係一大問題。

國泰有幾慘？

'Demand has disappeared': Cathay Pacific slashes more flights after flying just 582 people in one day
來源: CNN


沙士個陣相信都無咩少﹐國泰可以頂到幾耐真係唔知
等緊3月數據出爐再計下佢收入有幾多

中國幾時復工？

近排中國不斷就話武漢肺炎的影響已經完結﹐已經開始復工。但唔少投行同經濟分析師都覺得只係宣傳為主﹐當然Blog主都唔太相信中國已經可以全面復工。但點先可以知道實際情況？以下幾個係Bolg主建議大家可以留意的數據﹐選擇佢地係因為可以間接反映最基層的工業情況﹐而且好難做假。

The worst is yet to come (round 3)

今日Fed突然黎一招無限QE﹐要係現今市場搵到最接近的情況﹐就係日本的QE政策﹐一直都係到買日本市場的ETF同埋公司股票﹐令到日本政府係唔少公司的大股東﹐仲買到市場無晒ETF。


正如Round1個陣講﹐而家就算點QE都救唔到個疫情。而整個經濟唔止係金融部分流通性緊張﹐而係直頭根本性所有行業倒退。市場已經睇淡到話美國失業率會去到30%﹐當然如果係咁的話香港就一定死得仲快。


再講多次﹐而家最重要的就係保住份工﹐身邊有Fd所開的公司都已經要炒一半人﹐而且而家都只係個開始 。The worst is yet to come

The worst is yet to come (round 2)

呢兩幅圖﹐可以話比美股又跌停更為震撼﹐因為證明市場完全唔要任何資產﹐只要美金。
因此都出現埋以下兩個奇景

金股債三樣一齊跌再加美金抽升﹐一句講晒﹐睇路
RIP

The worst is yet to come

早一兩個禮拜有朋友問我點睇個股市﹐當時我仲話只係個股市下跌﹐仲未見到個件事件出現﹐話應該唔會有咩嚴重事情發生。估唔到只係隔左幾日就已經發生﹐所講的就係流動性風險﹐簡單黎講姐係市場無錢。

要睇市場有無流動性風險﹐簡單可以睇幾個指標﹐美國的話係睇Repo (Repurchase Agreement 隔夜回購利率﹐唔知咩黎就可以睇下呢條link)。三月頭就開始上升

Overnight repo rate elevated, strong demand for Fed loans 
來源: reuters

香港就可以睇hibor﹐通常睇隔夜至一個禮拜

渣打香港：企業提早借貸或導致短期市場資金較緊張
來源: RTHK

而更重要的係美國Fed竟然係三月短短兩個禮拜就將個利率減左1.5厘﹐第二次仲要係禮拜日美國時間下午﹐原因係除左減息之外仲同埋另外幾間央行聯手合作增加流動性﹐而日本央行係其中一間﹐因此好有可能要係日本開市前出statement。

只可惜的係Fed連三日都等唔到要係禮拜日突然減息加QE﹐Blog主一見到新聞都嚇左一下﹐而黑期個市都只係比左幾個鐘的升市﹐之後係點大家都知。

Blog主聽到Fed又玩QE個陣好自然問左一個問題﹐就係D錢會泵去邊？當年08就因為銀行出事所以QE注資入金融。但今次係整個經濟都有問題﹐多左錢唔會令個疫情消失﹐而且盲目QE只係會令效果事倍工半﹐要增加流動性Blog主覺得暫時只要各大央行聯手support再減息都已經夠﹐只係希望Blog主能力差睇唔到更背後的問題。

寫呢篇文的前一晚美國就黎個跌三千點比大家睇﹐有今生無來世。

大家可以做的就係諗下點樣保住份工﹐香港的失業率終於都升﹐而且肯定只係個開始。

圖片說故事

VIX再次去到50

美國Yield curve一年變化

希臘10年債息

美國長債ETF今年價格變動

中石油宣布天然氣進口遭遇不可抗力

期油今年價格變動

短評

好耐無係到update﹐更加好耐無寫過長文﹐唔知到底仲有幾多人有睇呢個Blog
近呢幾個月都因為返左實習後忙左好多﹐都無咩時間去寫長文。本身仲寫緊一直都拖住的恆地(12.HK)﹐但到左而家都已經要重新再寫過。

2020年﹐當各香港人都希望會更好個陣﹐點都估唔到17年前的事件又再發生﹐而香港係比17年前表現更加荒謬。身處海外的我﹐當開始知道又有可能爆發類似沙士﹐香港已經係到開始搶口罩﹐搶口罩呢樣野係17年前係無咁嚴重。而當我屋企人都問我呢邊有無口罩﹐就已經知道有幾嚴重﹐最後都寄左一箱速遞返香港。

而香港的經濟就係仲未有好轉的情況再受打擊﹐好肯定嚴重過03年沙士。當年過左dot com bubble 後都有短暫的回復先至到沙士﹐今次係完全雙重打擊﹐而且香港的經濟就比以前更加依賴中國(好大程度就係因為沙士後推行的自遊行)。服務業死晒﹐就算其他行業都因為不同程度的後備方案而影響(唔少friend係農曆新年後都無返過公司)。可能有D人唔記得﹐但沙士後其實香港都受過幾次疫症影響﹐例如豬流感﹐當年一下子封左間酒店隔離7日﹐好多人話反應過敏﹐但起碼香港唔會好似而家咁個個2盒tax

股票方面﹐大家係時候留意番自己的股票有無機會受到影響﹐到左3月相信唔少都會出通告指出個影響﹐首先就當然係隻國泰(293.HK)。上年買左快運﹐仲諗住攻打廉航﹐點知而家整個航空死晒﹐相信國泰近排的炒人仲未夠﹐但點炒都唔會對盤數有咩實質幫手。

另一行業就係能源股﹐好似港華燃氣(1083.HK)﹐而家中國已經停晒工業﹐港華燃氣有一半係供應比工商業﹐售氣量會受到打擊。

間接類股就當然有零售收租股﹐有睇新聞都知已經要減租留客。

最後要講的係九倉系﹐之前有寫過九倉分拆﹐到左今日就終於等到第二步﹐但呢一步就相信好少人估到(Blog主都估唔到﹐睇番各大報紙都係無一個有估中)﹐因為竟然係吳光正家族私有化會德豐﹐而市場(包括埋Blog主)到停牌個陣都係估會德豐收購九倉﹐分拆九置就係為左會德豐唔使食整間九倉咁大件。Blog主仲未睇過個deal﹐但經過有線一彼﹐相信一定唔會係對小股東公平﹐大家可以繼續睇戲咁留意發展(相信都無咩人會持有會德豐)。

Like + Share

戴頭盔時間

本人並非持牌人士，本人意見純屬分享。本文章不應視為任何投資之建議或邀請，投資涉及風險，如有疑問請諮詢專業投資意見

2019年香港大事回顧(不包含逃犯條例版)

曾經問過朋友﹐如果要你做一個2019年香港大事回顧﹐但唔包括同送中條例有關的新聞﹐你會點做

諗左好耐我都諗唔到有咩其他的新聞﹐最後睇番蘋果昔日先至記得番D

以下為部分我搵到較為重點的新聞:

來源:蘋果 https://static.appledaily.hk/images/e-paper/20190627/large/1561636504_ef2a.jpg

沙中綫造假

港鐵行駛中列車相撞

戴耀廷, 陳健民, 邵家臻, 黃浩銘佔中判刑

旺角騷亂判刑

黃台仰, 李東昇在德國獲難民庇護

鄭若驊無申報物業

豬隻發現非洲豬瘟

曾蔭權獲終審法院裁定上訴得直

港鐵撞石屎躉出軌

羅家聰「被離職」

今日見到呢單新聞﹐其實並唔係咩突發野﹐也都唔係咩咁驚人﹐因為根本一直都發生緊﹐只不過係個主角出名所以先至引起話題。

羅家聰稱「被離職」或與過往涉反修例言論有關　

(來源: RTHK) 

因為Blog主屋企有裝到有線﹐因此周不時都會見到羅家聰(簡稱KC)做節目﹐一直睇開佢都係交銀的首席經濟師。而到左今日金融時報就有佢的訪問﹐被指因為同交銀的合作空間唔再存在﹐因此被離職。

銀行或者金融業根本一直都係到換緊血﹐開頭中資一直都搵本地或者外國人坐鎮﹐因為上面根本就無咁的人才﹐90年代初有唔少的香港人幫手北上發展金融業。但到左而家唔少的中國海歸完左學業就入呢D中資直接坐正。佢地可能只係有學歷而無實際經驗﹐而且做事手法都同香港人或者外國人完全唔同﹐因此唔少做左好多年的人都被迫離開。有D就去左做FinTech﹐而有D就直接離開香港。

KC呢類極高層的職位除左大貓或者少量外資投行之外﹐中資根本唔會再有本地人出現﹐全部都係空降﹐係咁的情況下間公司的管治都會同上面掛鉤。好快唔止呢D高層位﹐連中層的位都只會係由上面的人做。

之前就唔比分析師唱衰中國的經濟﹐而家就因言論方向不同而被離職﹐咁你可以諗下將來香港的金融業會變成點﹐好快遲下返工第一件事要做的就係唱國歌(唔係願榮光歸香港)

一隻股一日可以跌幾多

 一隻期權﹐一隻牛熊可以一日就死﹐但原來一隻股都可以一日內跌過九成半
今日香港的股票市場又衝出國際

https://markets.businessinsider.com/news/stocks/artgo-worlds-best-performing-stock-98-percent-price-drop-2019-11-1028708885

講緊的係3313雅高控股




仲可以有咩講﹐只可以食花生
引爆個炸彈的原因就係因為入唔到MSCI中國指數

http://www.aastocks.com/tc/stocks/news/aafn-news/NOW.977750/1

國泰過去三年客貨運數據

終於都完成晒我的論文之旅﹐代表終於都有番時間比番大家﹐之前都有唔少人想我寫唔同的股票﹐係時候找數。但今次個post就首先跟進番以前的一個post(連結)。話說國泰係今年年頭出左18年的盈喜﹐但到左近掛就相反晒係咁話市場環境艱難重重。

國泰變相盈警 下半年無起色 9月載客量跌7.1% 訪港預訂遠遜往時

(來源: 信報)

正如之前都有講過﹐國泰每個月都會公佈客貨運的數字﹐因此Blog主今日就特登搵晒國泰由17年起每個月的數字﹐比大家可以睇到佢係19年係點樣下滑﹐由其係6月之後係北美跌得好勁

雜項

四個月前的六四﹐因為黃台仰同李東昇係流亡後首次公開出現﹐特登去左柏林。個日接受一個記者的訪問﹐我指出五十年不變﹐去到第幾年就會不再存在。原來個答案係下一年

人在海外﹐可以做的野就只有文宣﹐有份幫手928 929其中一個海外地點的活動﹐也都當然受到某些人的問候﹐幸好只係普通口角並無肢體﹐也都唔使叫警察幫手(係同香港的動物完全唔同﹐有人睇住再加提供直線電話)

只可以叫大家小心

孳息曲線

今次唔講股票﹐而係講金融術語。而呢個term大家係近排都時不時會聽到﹐就係孳息曲線 yield curve

Hong Kong has no future and option

今日香港財經界最大單新聞﹐都好有可能係近年來最離譜的事

Hong Kong has no future and option

雜項

好耐無係呢到寫過文﹐特意今日update下

政經不分﹐由其公司的業務係唔同國家都有生意

中國最叻的就係用經濟手段去要脅其他﹐包括國家同公司。日本﹐台灣如是;公司都如是。

六月之後﹐香港唔再係以前的香港。

係之前Blog主寫國泰的業績﹐最多都只係話佢的業務好左定差左。而家估唔到佢最大的問題竟然係政治部分。Blog主特登搵番國泰2018年年報﹐入面無一部分係有提及到政治因素。

政治不確定對股票市場係一個極不明朗因素﹐但Blog主更加知道﹐香港獨特的法治先至可以令到香港唔同中國其他地區。外國投資者除左研究單一股票外﹐整個市場都會係研究之內。市場不同會為整個市場內的股票提供折扣或者溢價。而近排香港本身的溢價就開始下跌﹐最明顯的就係煤氣。當然佢的業績係差﹐但唔同以前跌到咁上下就會有人買貨﹐而家係唔多見到個價有承接。

以前一直都有好多人經常話政治唔關佢事﹐相信而家已經無人會再咁講


唔好再話香港無左中國會死﹐無左香港中國可能根本唔存在。Bloomberg就有篇文講香港到底對中國幾重要
A Trillion Reasons Why China Needs Hong Kong to Stay the Same

最後﹐

五大訴求，缺一不可

國泰航空, 國泰港龍, 國泰快運???

最終國泰都係要玩LCC (Low-cost carrier 廉航)﹐收購香港快運航空

公告

國泰係19年上半年的貨運跌左唔少﹐Blog主相信呢個係其中一個原因令到管理層最後都要開辦廉航

而家就無公佈到個作價係幾多﹐而且由於已經過左上半年﹐呢單收購應該都趕唔到係半年結份報告到寫呢單Deal。而家就唯有等國泰遲下開記招個陣公佈更多消息

當然而家改唔改名仲係早﹐由其港龍都過左好多年先至正式改名。同埋相信國泰都係想分番開兩個Brand營運﹐咁就唔使洗錢去提升香港快運個Image

港鐵發盈警

《盈警響號》港鐵(00066.HK)上半年需為紅磡事件及屯馬線費用撥備約20億元
(來源: aastock)

中電發盈警

今次要短評的股﹐Blog主之前都已經寫過佢﹐也都有講過佢呢一個業務一直都係表現唔太好﹐到左而家最終都係出事﹐搞到要盈警。隻股票就係中電(2.HK)

《盈警響號》中電(00002.HK)料中期因澳洲業務商譽減值而錄虧損

(來源: aastock)