孳息曲線

今次唔講股票﹐而係講金融術語。而呢個term大家係近排都時不時會聽到﹐就係孳息曲線 yield curve


首先就介紹大家睇左由Vox所製作的片﹐雖然係英文但已經好簡單介紹左咩係孳息曲線

The chart that predicts recessions

(Disclamer: 假設你已經知道一般債券的模式﹐運作同term﹐如果唔識的話睇落去會辛苦D)

公司要集資﹐主要就係上市同發債﹐而政府就當然只有發債呢一條路。而美國政府貴為借錢大國﹐當然就發左好多債﹐當中唔同的債有唔同的到期時間。

孳息曲線就係一條曲線去表示美國債券係唔同年期的收益率。美債的年期有分三個大類﹐一年期以內(Treasury bills)﹐一至十年(Treasury notes)﹐同埋十年至三十年(Treasury bonds)。(ps:美國政府仲未cls到發行一百年債券﹐不過好似話又再研究)。

咁當然唔同年期就會唔同的yield﹐基本上年期越長﹐個利率就越高。但有時候長年期的利率低過短年期的利率﹐呢個現象就稱為利率倒掛。

一般市場主要睇住的係兩年同十年相差
以下條link就清楚顯示到兩個年期係過往的相差

10-Year Treasury Constant Maturity Minus 2-Year Treasury Constant Maturity
來源: Federal Reserve Bank of St. Louis

如果大家拉長時間黎睇﹐就幾清楚見到每次衰退前都會出現一個特別現象﹐就係兩年收益率比十年為高﹐因此市場一直都用呢個指標去預測黎緊個金融市場會唔會出現衰退。Vox條片就已經提供左一個原因點解


早排八月就出現左兩年期同十年期倒掛﹐市場就即出現大跌

What Is an ‘Inverted Yield Curve’? And Why Is It Being Blamed for the Dow’s 800+ Point Loss?
來源: Fortune


過去幾十年呢個現象雖然只係出現左幾次﹐但衰退都會係幾年後出現。咁今次倒掛之後黎緊幾年係未都會出現衰退？

有人話會有人話唔會

會的就當然指出過往歷史已經證明左
唔會的話現時債券市場受到QE影響﹐利率已經唔可以用以前個一套理論去解釋(例如負利率的出現) 

但Blog主想講的係金融市場經常講this time is different﹐但到最後history repeats itself 。可能現時仲未出現衰退﹐但唔可以忽略傳統的學說。而且債券市場好多時都係唔錯的指標去監測股票市場﹐大家都係要多留意下呢一條曲線