港鐵發盈警

《盈警響號》港鐵(00066.HK)上半年需為紅磡事件及屯馬線費用撥備約20億元
(來源: aastock)


唔可以話估唔到﹐但當然都係唔想呢篇文出現。

港鐵終於都要為沙中線撥備

份公告

入面有幾點可以講下

1. 分階段啟用屯馬綫的建議，第一階段涉及屯馬綫大圍站至啟德站的商業服務，目標開通時間為 2020 年第一季

呢點就應該無咩大突出﹐因為大圍至啟德一直都無咩問題﹐而家最終都係分部開通

2. 本公司將會在不影響其法律責任的原則為基礎支付紅磡事件所產生的費用以及與分階段啟用屯馬綫（上文(i)及(ii)段所述）相關的若干費用，同時就最終承擔相關費用責任一事上保留其權利。本公司現時對該等費用的最佳估計為合共約 20 億港元。有鑒於此，本公司將於截至 2019 年 6 月 30 日止六個月的綜合損益表內作出一項 20 億港元的撥備。該撥備金額並無計算可向任何其他人士提出的任何潛在追討在內。

同埋

3. 本公司與政府將繼續進行磋商，務求就紅磡事件及雙方各自就沙田至中環綫項目的造價及紅磡事件所產生的費用以及與分階段啟用屯馬綫相關的若干費用的付款責任達成整體 解決方案。

沙中線的模式係服務經營權模式﹐政府出錢比港鐵﹐港鐵再搵唔同的建築商興建。

呢到所講的20億無講到係比邊方面﹐但好肯定的係20億唔會係最終數字﹐因為港鐵同政府仲要傾點計數。而中間紅磡站的問題到底係港鐵定係樓下的建築商要負責﹐到而家都肯定唔會有答案。

港鐵作為項目管理人﹐今次一定唔會收足錢﹐但會收少左幾多？而家唔知。港鐵使唔使因紅磡站而負法律責任？而家唔知。港鐵會唔會追建築商？有可能。


睇左份公告﹐Blog主可以講的就係港鐵都唔知將來點﹐不論係第二段幾時開通﹐定係同政府點拆條數﹐一律無答案。

因此﹐Blog主都唔知仲可以講咩﹐唯一可以講就係派息政策就已經係公告入面講左不變

等睇聽日股價點反映