如果大家有睇新聞﹐就會知呢單新聞係幾咁突出
《盈利預喜》國泰(00293.HK)料去年扭虧轉賺約23億元
(來源: AAStock)
當然佢的股價就更加突出﹐由12蚊升到13.8
點解會轉到賺錢？一齊由公開的數字搵下有無得一早預測到
節錄自份盈利預告 (連結):
"於二零一八年，客運業務受惠於可運載量增長、著重顧客服務及提升收益管理。縱使有競爭壓力，運載率得以維持及收益率有所提升。貨運業務強勁。可運載量、收益率及運載率增加。公司的企業轉型計劃已發揮正面影響。"
國泰係17年就蝕十二億五千九百萬﹐18年就預計賺二十三億元。咁由於正式就仲未出﹐咁就同大家睇番18年上半年個份中期業績先。
係上半年就仲係蝕緊二億﹐姐係下半年就賺左過廿五億。到底上半年同下半年有咩咁大的改變？
國泰每一個月都會公佈佢的客貨運數據﹐咁當然第一樣就係睇佢
(如果未睇過就可以參考下19年1月最新個份連結)
以下所有數據都係黎自過去兩年國泰所提供再自己整合﹐來源係港交所﹐太多files所以就唔post link比大家﹐要睇就直接係港交所披露易下載 (連結)
(定義
收入乘客千米數（「收入乘客千米」）:
以每航線的航程乘該航線的載客數目。)
我將中國內地,東北亞洲同東南亞洲歸為短途;西南太平洋及南非,北美洲同歐洲為長途
長途就見到18年下半年因為暑假同聖誕節而比上半年好左
所以平均計係多左乘客坐長途﹐對於國泰黎講就當然係好事
收入乘客千米數
乘客運載率 = ---------------------
可用座位千米數
(簡單黎講姐係架機爆唔爆)
但係由運載率其實見到並唔係因為架機更爆﹐而係因為多左航班﹐所以相對個成本都會提高
另一個收入來源就當然係貨運
而無論客運定係貨運的收入係18年上半年都係上升緊﹐相信係下半年都可以保持到上升動力
(來源: 2018 Interim Results Presentation 連結)
(ps: 好多時上市公司開分析員/投資者會議﹐份slide係會比半年或者全年報告更多野睇﹐而呢份就唔會放上港交所﹐但當然都會係間公司的"投資者關係"到公開比大家睇﹐大家可以睇下)
講左收入﹐而家就當然係講下支出。國泰最大的支出就當然係煉油。油價係18年上半年上到7,80蚊﹐當大家又開始係到講會上到幾多個陣﹐個價係下半年就同你跌近一半﹐落到去50邊緣。之不過油價跌就唔一定代表國泰支出少左﹐因為油價對國泰係一把雙刃劍﹐問題就係燃油對沖。今次我就唔會講佢(一講佢就等同寫多篇文....)﹐咁到底下半年油價跌係對國泰好定壞？
布蘭特原油一年價格(來源 Bloomberg 連結)
(ps: 我係知應該用新加坡燃油價去睇﹐但搵唔到source﹐國泰自己都係用布蘭特個價去睇油價﹐咁跟佢用布蘭特)
由17年年報睇﹐18年油價對沖合約係70蚊以上就開始覆蓋﹐咁姐係話下半年有唔少時間係無左對沖﹐可以享受到油價下跌
(來源: 二零一七年報告書 連結)
而係18年上半年業績﹐就講到油價的上升係計及對沖虧損係對燃油成本有所增加﹐咁好自然預期下半年的油價下趺係會減少燃油成本
講左幾樣收入同支出﹐但係就仲左樣野係無講而又對國泰條數好重要﹐就係佢的聯營公司
國泰持有中國國航18%﹐因此國航的盈利部分就會出現左係國泰條數。國航同國泰一樣出每個月都有公佈營運數字﹐但呢到就唔同大家睇la﹐有興趣就可以自己睇下
講左咁耐﹐到底國泰係邊一方面做得特別出色？咁就要等最終份年報
2018年上半年的收入同支出細分﹐期待到底邊bar係令到國泰賺咁多
今次的分享就到呢到
分享是美德
(來源: 2018 Interim Results Presentation 連結)
講左咁耐﹐到底國泰係邊一方面做得特別出色？咁就要等最終份年報
***************************************************************************
今次的分享就到呢到
分享是美德
***************************************************************************
戴頭盔時間
本人並非持牌人士，本人意見純屬分享。本文章不應視為任何投資之建議或邀請，投資涉及風險，如有疑問請諮詢專業投資意見
沒有留言:
張貼留言