Blog主持倉（二）

下一隻要講的股就係好多香港人每日都要比錢用佢服務的港鐵（66）。好多人都知港鐵已經唔再係單純一間交通運輸公司，好可能你平時去開的商場甚至乎你住的屋宇都係由港鐵的物業管理公司管理。

Blog主持倉（一）

黎緊幾篇Blog主會分享下手頭上持有的收息股，同埋會講解下點解會選擇佢地作為Blog主的收息組合

比錢更重要的野

今日Blog主唔講點樣搵錢儲錢，講另一樣更重要，如何愛自己

我地不斷去儲蓄投資，為的係將來的自己，但同時其實我地都要投資係而家的自己

可能你會話讀書增值就係叫做投資自己，但Blog主係呢到所講的反而係精神上同埋心靈上的自己。內在的心靈得到滿足，你先至會有能力走得更遠，唔會迷失自己

要記住，儲蓄投資只係我地為左達到目的而要做的野，並唔係目的，目的係令到自己唔會再為將來而煩惱，為將來而擔心，可以選擇自己鍾意的路。路途十分漫長，裝備自己先行得更遠

22 Things You Can Do to Love Yourself

Blog主發言

接近一個月無更新個blog,唔係Blog主已經偷懶，反而係更加忙碌。原因就係Blog主最近由職場small potato重回學生，仲要唔係香港讀，而係外國，一切都要自己打點，所以先至無時間上黎更新。
但好彩的係Blog主一直都有儲蓄習慣，再加上有投資的收入，先至可以支持Blog主出國讀書。所以點解Blog主一直都強調儲蓄+投資，因為你永遠唔知道幾時會需要動用金錢，也唔知道幾時會突然唔再有工返無左收入

希望大家高抬貴手，繼續留意呢個Blog，我之後會講更多有關投資的事宜，由熟悉的股票，到少人認識的債券，甚至係優先股（主力被動投資收入），都一一講解，密切留意

送上一張外國的夕陽

點樣減少消費？

點樣減少消費？

好多人都成日話儲錢難，經常話日常生活已經洗得七七八八，但其實有時我地見到銀包有錢就忍唔住消費，可以稱為有錢就周身唔自在

咁點解決？好簡單，唔好令銀包有咁多錢

錢搵錢，股搵股

錢搵錢相信大家都聽得多，咁又咩叫做股搵股？

投資產品：股票(續3.1)

未睇我上一篇嘔心瀝血的收息文的話就去睇左先

連結

今篇就繼讀講收息股，咁除左上一次所講的類型外，仲有幾類的股都可以（留意係可以，唔一定係好）做收息股

跳彈床

今日share的文唔再係講點儲錢，而係點樣搵多D錢，方法就係跳彈床（跳槽）

投資產品：股票(續3)

上一回講到，一間target為收息股的公司，除左股息年年有上升外，公司的盈利都上升都好重要。咁有咩公司會target為收息股的公司？

有幾類型的公司，會被市場認為穩定收息的對象，簡單數的話有以下幾類：

I retired at 52 with a $3 million net worth — here are my 10 best tips to build wealth

又有篇文講點樣置富，作者係五十二歲個陣擁左三百萬美金（眼已發光）

入面除左講一D好基本的方法外（儲錢，投資，減少洗費），也都講左透過搵份專業的工種，為自己訂立一個目標，而當中第六個點就真係好重要！！！！！（Blog主都做唔到，原因就當然係…）第六點係咩？自己click入去睇

連結

收息超爽的藍籌（附大表）（股榮）

首先大家去睇左以下蘋果財經股榮的文章先

連結


好多人都會問點解股息係咁重要，睇完篇文就會話你知，當講到長線投資的話（唔係講緊一頭半個月，係要以年去計，一兩年都唔算係長線.....），股息係會好影響到投資的回報


股息是藍籌逆轉勝的關鍵。滙控(005)逾兩年間股價仍跌1%，但計及股息，回報變成16%，兩大內銀藍籌情況相若，建行(939)由負12%變成正6%回報，工行(1398)由負17%變成正1%回報。

另外也都可以見到的就係投資，係要花心機去研究，兩年黎有好多股都有大升，也都有好多股係過去的兩年係大跌，計埋股息都補唔番

正所謂 No Pain No Gain，投資，係要付出

收成時間

作為一個收息股東，有咩開心得過收息

香港上市的公司通常會有一次，兩次或者四次的派息，間間唔同。通常十二月同六月就會係全年以及半年結算，一兩個月後就業績公佈，咁管理層就會講埋派唔派息及派幾多，咁再計埋處理時間（總共大約兩三個月），三四月同埋八九月就係收息高峰期，就好似農夫收成時間

收成!!!!!

Blog主買股票就係為左公司可以不斷派息比股東，享受到盈利

咁作為股東，幾時先至收到息？

來源: aastock

管理層會公佈派息金額，以及以下幾個重要日子

除淨日：呢一日係好重要，等同係一條死線，呢一日開市個陣持有間公司股票的話就會有息收

就好似上面幅圖，如果你係八月十日開市個陣仲持有就會有息

派息日：就係公司正式派股息比股東的日子

今日講住咁多，記得Like + Share 

10 signs you'll never be rich

Business Insider 的一篇文章，講到有咩因素令你唔會發達

睇完之後自己諗下有無中左，中左的話就要好好諗下點樣去改善

如果唔係

文章連結

投資產品：股票(續2)

 上一篇就講到股票派息，今次就會繼續講同股息相關的野

作為一個收息為主的人，股息派幾多就當然係重要，但係要記住的係公司要賺到錢先至可以繼續回饋股東（當然實際上就唔一定，但其實呢樣野好重要，遲下睇有無機會講），因此公司的賺錢能力都要留意

來源: aastock

就以上面幅圖，今次用的例子就係領展房產基金（簡稱領展）(823)，主要業務就係打理零售商場及停車場業務。

盈利增長(%)

呢個數就係代表間公司每年的盈利的比較，以百分比做比較

每股盈利增長(%)

呢個數就係代表間公司以每一股計算下每年的盈利的比較，以百分比做比較

咁呢兩個數有咩分別？點解唔同？

分別就係盈利增長係講整間公司，而每股盈利增長係要將公司斬開做每一股後的盈利，要將公司再除公司股數，因為公司可以額外發行股票，也都可以減少股票數目（詳情之後會講紅股同埋回購），導致兩者出現分別

例子:

A公司上年賺一萬，上年總共有十股，咁每股就係賺一千（一萬/十=一千）

今年賺左兩萬，但今年就總共有二十股，就咁睇公司賺左一倍，但因為股票數目都多左一倍，每股計其實都只係賺一千（兩萬/二十=一千）

所以要比較公司過往表現，用每股作為單位係比較準確

睇番上面幅圖，見到領展係每年的盈利都周不時有上有落

另一隻例子就係香港中華煤氣（簡稱煤氣）(3)

相比起領展，煤氣的盈利增長就穩定得多，近幾年有幾%的增長，但每股盈利的增長就要到2016年先至有增長

作為一個收息為主的公司，股息就當然係每年都有增長（就好似你老闆每年加你人工），但都要求間公司的盈利有所增長（公司無賺多D錢又點派多D錢比你）

下回繼續講

8 things you should buy in your 20s that will pay for themselves

慳錢，講就容易，做就好多時都發覺好難，問題係經常唔知D錢使左去邊
其實好多時我地都會唔太著重細額的洗費，成日覺得唔緊要，但其實累績落去其實就會變成好多，例子，咖啡同埋樽裝野飲

咁點樣先至可以減少到洗費而又唔會減少好多生活質素？點先至洗錢洗得精明？

睇下下面條link幫下你

連結

if it was necessary to save so much for retirement

Marketwatch刊登一篇文章(應該係話其實黎自reddit)，講述一個25歲的人係reddit問使唔使不斷儲錢，其中有一段好值得拎出黎講

I think it’s good to maximize retirement savings when you can as there may be periods of your life where you’re unable to do so for one reason or another

咩意思？四隻字

未雨綢繆

連結

你唔知你幾時會突然需要用錢，儲得越多，將來可得的越多

投資產品：股票(續)

上一篇簡單講左股票，今次講下對於一個收息為主的人，點樣睇一隻股票

繼續以長江基建集團（簡稱長建）（1038）做例子

來源: aastock

http://www.aastocks.com/tc/stocks/quote/detail-quote.aspx?symbol=01038

公司派息的原因就當然係因為公司搵到錢，仲肯同股東分享

咁第一樣野就係公司賺左幾多錢

好多時聽財經新聞都講話公司賺左幾多百億，作為一般人，係唔會知幾百億係代表咩（幾多個零都要數下手指先知....），因此簡單方法就係睇每一股公司股票賺左幾錢

例子：

假設一間公司分開一百份，你佔左一份，公司賺左一千蚊，咁姐係話你手上個一份股票就賺左十蚊

咁點樣先至知一間公司每一股賺左幾多？好容易，好多財經網站都已經幫你計好左

就以aastock網站做例子，只要輸入股票號碼，甚至可以直接搜尋公司名都得，再選擇詳細報價，咁就睇到佢：

每股盈利

由上面幅圖，可以見到呢隻股票的每股盈利係港元3.82，留意側邊寫住截至2016/12，咁姐係代表呢到所講的係指2016一整年的盈利

第二樣要睇的野就係公司肯派幾多錢比股票，公司的管理層可以按住公司的發展業務同埋將來預測要決定派唔派息同埋派幾多。上面幅圖都有列出呢樣野，就係叫

每股派息

幅圖顯示每股派息係港元2.26，同每股盈利一樣，呢到都係以2016一整年計算，姐係話長建的股東係2016年每一股可以收到2.26蚊作為股息，側邊的派息比率就係將每股派息除以每股盈利，以代表公司將幾多賺到的錢派番比股東

如果想睇番過往的紀錄，可以係上面選擇列選擇"派息"以及"公司資料"中的"盈利摘要"睇番

今次講到呢到，大家可以去不同的財經網站睇下唔同的股票，可以睇下以下呢幾隻相信你同我每日都接觸到的上市公司，了解下不同股票各自的盈利同埋派息

中電控股(2)
香港中華煤氣(3)
匯豐控股(5)
恆生銀行(11)
港鐵公司(66)
騰訊控股(700)


今次講到咁多，想繼續睇就記得share 

投資產品：股票

電視節目有好多種, 不過唔係個個節目都啱小朋友自己收睇

投資都係

投資世界入面有數不盡的產品可以投資，當中最多人知，就當然係股票

因此，第一堂，就講股票

買股票，你就係股東，你就係擁有間公司的一部分

長江基建集團 (1038.hk)

買股票就等於你買入間公司一部份的股份，你就係成為左間公司的股東

咁股東有咩福利？

派股息個陣你就有得分，咁派幾多？呢樣就由公司管理層決定，可以派多，可以派少，可以唔派

財經網站會列出股票幾時派過息，過往的派息金額

作為一個主要收息的Blog主，派幾多息就當然係好重要，因為會導致你將來收到幾多的股息，同埋將來的派息情況係點

暫時講住咁多，之後會繼續講股票，仲要講下一D基本的股票指標

為什麼要投資？實現資產增加跟對抗通膨

為什麼要投資？實現資產增加跟對抗通膨

台灣網站Stockfeel的文章

值得一睇

PS: Stockfeel係少有的中文財經網站，主打係台灣人，所以用詞有少少出入，但經常會分析不同的美股，以及投資知識，值得bookmark+fb like

投資第一步：風險

開始正式講投資

喺美國有一個調查，訪問後生仔有投資的比例，發覺有八成的後生仔都無投資（連結）。
唔投資的原因？

More than 40 percent said they feel they don't have enough money, 34 percent said they don't know how, while 13 percent specifically blamed student debt

一，無錢
二，唔知點投資


但正如Blog主之前的文章所講，投資同唔投資，係經過一段時間後就會出現好大的差距，由其近年通脹不斷同埋銀紙越黎越唔值錢，當到退休個陣就會唔夠錢洗過埋下半世（唔係剩諗住MPF就夠退休？！）


但好多人一講投資就即刻話唔識，識都唔去做。點解？
『投資包賺嫁？萬一蝕左未死？』

就好似另一個調查（連結）所講：

Their young age at the time of the financial crisis, and the negative emotions connected with this experience, may have a lot to do with it. During the financial crisis, young Millennials watched as their parents' savings, including accounts set aside for their college educations, were lost. Certainly, the financial crisis engendered a lot of negative emotions during very formative years and many millennials may still be shell-shocked and could view stocks with suspicion for quite some time.


相信好多後生仔都係咁諗，包賺的相信都只有早前政府發行的ibond（通脹掛鈎債券）（仲要係一手買入）

賺同蝕，就係關乎投資風險

投資風險有好多種，最簡單就當然係股價上落

但其實投資有其他不同的風險，有興趣就可以去Investopedia 了解下
Type of Investment Risks


唔同人對風險的反應都唔同，對於自己可以接受到的風險都不一。因此係投資前需要問下自己可約承受到幾多風險

點先知自己受到幾大風險？
承受能力其實受到好多因素影響，例如你的年齡、收入、個人取向等
有興趣可以去以下網站做個測試，由香港投資基金公會提供
連結

點解投資係為股息，唔係股價？

正如Blog主個名，作為一個食息一族，最concern就當然係投資可以為我帶來幾多的股息收入

但一般散戶著重的，卻反而係個股價

無錯，短期黎講，股價所賺到的比股息多，但長期黎講，股息所佔的總利潤，一定比股價為多

下面係黎自Sure Dividend的一篇文章，講述點解要調整心態，唔再著重股價，改為著重所帶比你的股息

Ignore the Price, Remember the Dividends: Why Dividends Are The Key to Building Wealth


PS: Sure Dividend，聽個名就知係講股息收入，一個美國出名的網站，對美股有興趣的人可以去睇下

How much money you need to save each day to become a millionaire by age 65

Business Insider 的片，講述如果係65歲要儲到一百萬，係唔同年齡開始儲的話到底每日要儲幾多錢先得

去片

可見越早開始儲，係複利息下就越容易儲到更多

一蚊可以做到咩？

係而家的社會，一蚊真係唔叫做錢。但呢一蚊，係十年，廿年，甚至五十年後就唔再係一蚊，而係會變成幾十蚊

Business Insider 的一篇文章講述如果每一日都儲一蚊，再加埋不同類型的投資，經過多年後會變成幾多


How much you'd have if you saved $1 a day for the rest of your life


下面的表就充分顯示到點解要投資，由完全唔投資，到放係儲蓄戶口，到投資係ETF（Exchange Trade Fund，交易所買賣基金，遲下會講下點解佢咁重要），經過每十年後所累積的金額

可以見到投資同唔投資的差別隨住時間延長而增加，到五十年，投資同唔投資的差別係講緊六十八萬

你要做的事就只係每一儲一蚊，再拎去投資

所以點解儲錢同投資對於一個後生仔係咁重要，因為你擁有最強大的本錢：

時間

背後所牽涉到的就係複利息

下次再講咩係複利息

點解要投資？

點解要投資？

因為被動收入

咩叫被動收入？

姐係你訓係到都有錢收

姐係你去緊旅行個陣都有錢收


你想要不斷做生做死先至搵到錢；定係訓係到咩都唔使做，去左遊玩都可以搵到錢？




美股隊長的一篇文章，講述點解努力都唔能成為有錢人

因為太努力 才沒法變有錢

美股隊長係我其中一個經常留意的作者，大家可以去fb搵下佢的文章

儲錢的原因

每個人都有自己儲錢的原因，而我就係為左將來可以到處遊歷

Blog主係書展買的書

儲錢係一條漫長的路，你的人生都係。趁早為自己的將來做計劃，就越容易達到自己的目標

點解要儲錢？

之前睇過一個調查話而家一般的後生仔儲蓄比率較低，作為一個後生仔的blog主，明白到點解咁低

後生仔點解唔儲錢？相信主要都係呢兩個原因：

一：本身收入都低，每個月都剩唔多，倒不如洗埋佢

二：儲黎又有咩用，D樓都咁貴，儲黎都追唔上個升幅

但儲蓄的重點並唔係話儲到幾多，而係個種心態

無論儲蓄定投資，背後的目的都係一樣，就係等將來的自己唔使再不斷只靠打工去生活，唔使再不斷為老闆賣自己的青春，自己的時間，可以自己決定自己的生活

儲蓄呢個習慣要由一早就培養，由初初出黎做野開始養成。雖然開頭可能只係儲到好少，但當時間越耐，再加上適當的投資，你的財富就會慢慢增長。呢個時候，你就會開始感受到你過去的努力無白費

至於話儲極都追唔到樓價升幅，要記住儲錢唔剩係為左買樓（雖然好多人都係....），仲係為左減少將來的不確定性。可能某一日突然好像97年金融風暴，好多人失業，你的儲蓄就可以維持你的生活。更重要的係，儲錢未必可以令你買到樓，但唔儲錢一定唔會買到樓。一早養成儲錢習慣，到需要開始儲錢買樓個陣就更容易習慣

如果大家有其他儲錢的原因，可以留個言話我知，大家一齊為將來唔使再打工努力

儲錢(續2)

上一篇就講到要記底自己每日的洗費，其實除左等自己知D錢洗左幾多，有幾多係可以慳落黎做儲蓄，仲有一個用途：知道每個月有幾多必需消費

話明必需消費，就當然係指你日常生活必需要洗的錢，通常包括交通、飲食、日常裝扮、還債（如果讀大學時向政府借左錢，畢業後開始要還）、上網費電話費等

點解要知有幾多必需消費？因為你必需要為自己準備一個應急基金，確保你係無收入下都仲可以維持生活，可能係失業或者辭職，甚至突然身體不適不能工作（Touch wood!!!）。呢個時候應急基金就可以等你係呢個過渡期唔需要擔心你的財政支出

應急基金要準備幾多？一般都以你三至六個月的支出作為準則（可以的話預留多一DD）。所以點解要知自己每個月有幾多必需支出係好重要，因為會影響到你的應急基金需要幾多錢

對於一初出黎打工的後生仔，可能無咁多錢一下子準備到個應急基金，咁的話開始返工頭幾個月都係份糧抽起一部分放入個基金，慢慢累積落黎。當儲起個應急基金後，就可以開始為自己的將來儲起；而你都會開始覺得儲錢唔係一件困難的事，慢慢係日常生活習慣減少一D不必要的支出，開始係消費前諗下係未必需要買（之後會講下如何減少消費）

都係個句，各位鍾意繼續睇落去就share比你身邊的90後甚至00後，等大家一齊建立儲蓄習慣

儲錢(續)

上一篇文講到投資第一步，儲錢

儲錢係一門大學問！！！！

點先儲到錢？

兩個方法：

開源 同 節流 

開源：姐係增加自己的收入，例如返part time，網上賣貨

節流：減少自己的支出，控制係自己可承擔的範圍內

開源對一般人黎講可能比較難，因此我之後主要都會講下如何節流

要節流，首先要知自己D錢去左邊

對於一個後生仔，好多時都唔覺意就洗多左，更重要的係唔知自己洗左係邊。因此最好的方法就係紀錄底每一日洗左幾多錢同洗左係邊，最重要係每一筆消費都要記底（由搭車食飯，去到買零食買野飲都要Mark底）

市面上已經有好多記帳App專係用黎紀錄消費，仲會幫你分類消費，有興趣可以睇以下篇文章
【儲錢挑戰】4大記帳App　幫你積少成多

點解要Mark底所有消費？

要節流，就要從非必需消費開始，姐係好似零食，朝早杯Starbucks / Pacific Coffee，每個禮拜的雜誌，又或者每個月的音樂串流服務。好多時呢D細數目我地都唔會咁著意，但積少成多就可以好大。而且減少呢D消費唔會令我地的生活質素跌左好多，好適合我地由呢D消費入手，減少消費去變成儲蓄

嘗試Keep住紀錄一兩個月，等自己知道番自己D辛苦錢去左邊到

之後會繼續講下儲錢

（覺得好睇的話留個言+幫幫手Share開去，等我知I'm not alone）

投資第一步：儲錢

成日都話萬事起頭難，投資都係

投資的第一步：有錢

點先有錢？

儲錢；儲錢；儲錢；儲錢；儲錢；儲錢；儲錢


重要野講多幾次

對於一個後生仔，好多都無呢個理念，成日話因為樓價貴，儲黎都追唔上樓價升幅，就連儲都唔儲，寧願去多次旅行，食多幾餐米芝蓮

雖然並唔係好似劉鳴煒所講去少次旅行就買到樓，但去少次旅行卻可以令將來生活輕鬆一D，犧牲而家去令將來更好

點樣儲錢？
之後再講.....

廢青之過？逾半年輕人無信心儲錢達標　平均月使近8成人工

來源：香港01

在香港，無前（錢）途的青年不時被人稱為「廢青」，他們長期處於貧窮狀態，俗稱「長期糧尾」。大新銀行上月委托市場研究公司訪問403名介乎22至39歲在職年輕人發現，一半以上年輕人無信心達成儲蓄目標；有趣的是，調查指年輕人每月平均月薪扣除洗費後用剩的錢只得收入22%。假設月薪僅得一萬元的年輕人，每月只用剩2,200元，積積復積積10年都不夠付首期！

年輕人儲蓄為旅遊、購物、首期

調查發現，年輕人達成儲蓄目標信心指數低於70分，屬偏低，87%受訪者期望有理財工具可督促他們達成儲蓄目標。

儲蓄方面，60%年輕人表示有定期儲蓄習慣，而沒有儲蓄習慣的年輕人，住屋外其他開支已佔收入71%。受訪者中，每3個人有1個曾試過入不敷支。

年輕人3大短期儲蓄目標為旅遊、購物、首期。不過，即使是有定期儲蓄習慣的年輕人，當中69%主要把儲款放在普遍低息儲蓄戶口，沒有透過合適的理財工具令財富增值。

教授專家：控制消費方為上決策　「先苦後甜」還是「先甜後苦」

香港浸會大學財務及決策系副教授麥萃才認為，工資高低與儲蓄問題沒有直接關係，主要與個人消費模式有關，能否儲錢與個人生活態度問題的關係最大。

他舉例指，有年輕人月入萬五，不給家用，三餐屋企全包，平時乘交通工具上班，每月僅花3千至4千元，已可以儲到萬多元。他認為，既然短期人工高低控制不到，就應該控制個人開支；不過，不同家庭有不同的開支，先天性條件不同，不可以一概而論。

年輕人儲蓄為旅遊、購物，麥萃才指這是個人選擇，是一種生活態度，也是這一代年輕人的消費特性，只要承擔自己選擇的結果，其實不應該干涉。他指，有些人覺得明天可能是世界末日，現在不消費就浪費了，也有些人認為現在辛苦，年紀大了就可以舒服點，其實只是視乎你喜歡「先苦後甜」還是「先甜後苦」的問題。

戶口儲錢利息雖少　投資量力而為

麥萃才解釋，儲蓄戶口低息是世界普遍現象，不可能因為利息少就不儲蓄，他認為「小數怕長計」，假設將錢放在戶口一年只有100元利息，但如果將年期放長，可能效果就放大100倍。對於將錢用於投資會否比儲蓄好，麥萃才表示投資涉及風險回報，年輕人要有心理準備。

美國萬利理財亞太區總裁張佩儀則建議，年輕人應該將收入10至20%的收入轉賬至另一個戶口，不動用那個戶口的錢。如果覺得戶口利息低，年輕人或可考慮月供港股，如較穩陣的內銀、藍籌股作長線投資，以港股表現而言，年回報率長遠平均有10%。她呼籲年輕人，最重要應檢視自己的收入支出情況，量力而為，控制個人消費方為上策。

年輕人常嘆樓價貴難以上車，麥萃才認為買樓只是個人意願，不應該受媒體不適當的渲染影響決定，「大學生畢業只有萬四、萬五元，買到樓機會有幾大？做到按揭都供不起樓！」所以，起碼要兩個人才能供得起，但年輕人應深思有沒有需要只為一層樓而組織家庭？買樓只是個人意願　不應人云亦云

麥萃才建議年輕人可考慮調整自己的期望值，可以選擇租樓，而買樓亦不只是一個居所這麼簡單，長遠要留意物業投資回報問題。

他強調，當前的問題應該是，多向年輕人做理財教育，妥善分配金錢，讓年輕人了解如果現在選擇消費，會減低未來資產增值的機會，將來不應埋怨社會不公平或諉過於人。

Lowest-income families spend 40% of their money on what economists label luxuries

Lowest-income families spend 40% of their money on what economists label luxuries
呢篇Market Watch報導美國的低收入家庭都用四成錢去買奢侈品，你又用左你幾多人工去買呢D奢侈品？

PS: Market Watch係我其中一個經常睇的美國網站，遲下share我的bookmark list

開Blog目的

作為一個90後，返工就好似係唯一的搵錢方法，唔返工就無錢
但任何人，都好想有一日可以唔使做都可以生活，唔使再每日起身就返工

由大學讀書開始接觸投資，到出黎做野keep住睇投資相關的書，開始明白投資係人生必需要學的一科，更加係為左將來可以唔使返工都有錢收

之後慢慢分享對於一個後生仔，點樣先至可以一步步走向最終目標
除此，仲會分享下同投資相關的知識



到時淨係收股息我都唔知點計呀
(食神)


希望有呢一日