Hong Kong has no future and option

今日香港財經界最大單新聞﹐都好有可能係近年來最離譜的事

Hong Kong has no future and option


首先你要知的係咩係現貨同期貨。以下係最簡單的例子話比大家知﹐唔係到同大家講咩到期又交收又點

現貨就姐係股票
期貨就包括左大家聽得多的牛熊窩輪﹐期指﹐同期權

future 就姐係期貨
option 就姐係期權

點解會話係最大單新聞﹐因為期貨係金融市場向來都係好重要﹐無論係炒家定係莊家都係期貨而唔係現貨玩。因此期貨一死就可以講係等同無大戶係個市場。再者期貨唔同現貨﹐交易時間係去到凌晨﹐咁投資者就可以再係香港現貨收市後跟據歐美市場而去炒賣同對沖。

Blog主起身個陣係大約係香港時間下午2點(ps 提番讀者大家Blog主人在外地)﹐已經係咁收到Push話死機﹐但個陣其實仲未停期貨交易﹐係再之後先至話真正停止﹐聽日重開。咁一眾期貨投資者就眼白白睇住個市無得平倉﹐又或者轉去黑期(姐係轉去新加坡做買賣)

而點解話係近年來最離譜的事﹐因為Blog主近五六年都無聽過呢D咁的野係香港發生。美國就間唔中出現﹐但因為美國有好多個交易所﹐所以就無咩問題。無論係英國脫歐定係Trump成功當選﹐個陣全球個市場都好動盪。(點動盪法？上一分鐘就升300點﹐下一分鐘就可以跌300。脫歐個日恆指最高係21034﹐最低係19662) 但香港個股票市場都無事﹐完全提供到穩定股票市場比大家﹐金管局仲出黎話交易正常。而家就竟然會發生咁的事﹐仲要係發生左之後港交所無停期貨﹐更加唔好講停現貨。

夜晚港交所出左通告話聽日照常開市﹐但唔敢包聽日會無事﹐而且聽朝一定有大把炒家要平倉﹐聽朝相信都會好亂


聽日比番 future and option 比大家﹐但又會唔會等於無事？


【#財經拆局：HK has no Futures and no Options.......Today】
來源 有線電視財經資訊台

最後﹐五大訴求，缺一不可