港燈可以話係較出名的上市公司中業務最簡單的一間﹐一句講晒:發電+賣電。所以收入絕大部分就係賣電﹐支出就係發電加營運成本。
以下所有圖片﹐如無特別標示﹐都係來自港燈2017年【二零一七年全年業績】(連結)
收入
收入係17年就上升左2.4%﹐增幅就比16年增長大左0.5個百分點(無錯﹐係要用埋小數點......)。
港燈的業務咁簡單﹐也都令到增加收入的方法好簡單﹐一係加電費﹐一係增加售電量。但好可惜的係第二個方法並唔可行...
港燈係業績一邊指出用電需求上升﹐但又同時指出售電量比16年少﹐而且預計未來的用電量會繼續跌。
近年售電量下跌主要係黎自商業部分﹐相信同近年唔少商廈都了解到節能對於支出的正面影響
(來源: 港燈2016年年報 連結)
溢利
可以見得到係支出方面無咩大的變化﹐最終去到最低的稅後溢利比16年升左6.25%。但係相信大家都仲見到有多一行叫做""按管制計劃調撥""﹐呢行就姐係經常係電視聽到的""管制計劃協議""﹐
與電力公司簽訂的《管制計劃協議》:
香港電燈有限公司及香港電燈集團有限公司
簡單一句就姐係多除少補﹐直至到左個准許利潤。直至2017年准許利潤回報率係9.99%﹐但由2018年起就會降低至8%﹐姐係話會有更多的利潤被迫要搬離公司條數。港燈當然唔會就咁比個利潤咁容易下跌。由於利潤上限係以固定資產價值做分母﹐所以港燈就可以以增加投資去換黎高D的利潤
分派
做數咁做到同16年一樣﹐全年派40.04仙。現價計只有5厘幾息。
借貸
港燈其中一個問題係佢的負債。17年借貸比16年多左5%至413.7億﹐主要係多左4億(等值大約30億港幣)美金零息中期票據﹐最早可以係2020年贖回。
由於港燈的中期票據借貸一係以定息一係以零息借貸﹐所以黎緊的加息對港燈無咩大影響
港燈過去的派息政策一向都係個年賺幾多就接近派番幾多﹐所以先保持咁高息﹐係17年仲要派突。
將來
講港燈的前景﹐就當然要講利潤管制會係18年開始下跌至8%﹐姐係話港燈要增加資本先至可以追番以前的利潤。但係17年只計資產賬面淨值不升反跌。跟據港燈的新聞稿﹐最新一批值三十億的發電機組係16年開展打樁工程﹐會係2020年投入運作﹐而呢筆數就已經係16年年報反映左。就咁睇唔見到短期內會有大型的資產購置﹐相信18年的資產淨值唔會有大轉變﹐意味利潤好大機會會下跌。
正如文章一開頭所講﹐港燈業務簡單﹐導致佢增加收入的方法都好簡單。但唔好唔記得佢係長和系的公司﹐所以到最後仲有一招增加收入的方法.....
借貸
港燈其中一個問題係佢的負債。17年借貸比16年多左5%至413.7億﹐主要係多左4億(等值大約30億港幣)美金零息中期票據﹐最早可以係2020年贖回。
由於港燈的中期票據借貸一係以定息一係以零息借貸﹐所以黎緊的加息對港燈無咩大影響
港燈過去的派息政策一向都係個年賺幾多就接近派番幾多﹐所以先保持咁高息﹐係17年仲要派突。
(來源:aastock)
由於港燈係將來幾年都要因應更新發電機組同埋增加發電資產價值﹐但本身並無咩現金儲備﹐相信將來港燈一係減少派息﹐一係繼續借貸﹐但後者就會受美國加息影響而增加利息支出。
將來
講港燈的前景﹐就當然要講利潤管制會係18年開始下跌至8%﹐姐係話港燈要增加資本先至可以追番以前的利潤。但係17年只計資產賬面淨值不升反跌。跟據港燈的新聞稿﹐最新一批值三十億的發電機組係16年開展打樁工程﹐會係2020年投入運作﹐而呢筆數就已經係16年年報反映左。就咁睇唔見到短期內會有大型的資產購置﹐相信18年的資產淨值唔會有大轉變﹐意味利潤好大機會會下跌。
正如文章一開頭所講﹐港燈業務簡單﹐導致佢增加收入的方法都好簡單。但唔好唔記得佢係長和系的公司﹐所以到最後仲有一招增加收入的方法.....
長和系最叻係咩?未就係地產
同邊間公司合作?當然係長實地產 (1113.hk)
正如之前所講﹐港燈無咩現金係手﹐所以主要係由長實地產(簡稱長地(ps:我知簡稱應該叫長實))出資﹐補地價大約六億六千萬﹐港燈出六分一﹐另再出資三千萬起酒店﹐有剩就長地出。物業屬於港燈﹐長地負責起酒店﹐將來係終止日期前就會按比例分派比港燈﹐過左終止日期後就全部歸港燈。
(來源:
關連交易
建議酒店發展項目之框架協議
連結)
(來源:蘋果日報)
講左咁耐﹐咁間酒店起係邊?
鴨脷洲海怡半島.......
老實咁講﹐轉為起酒店確實係會為港燈帶黎其他收入﹐由其港燈收入太單一﹐只係有以下問題:
1.鴨脷洲海怡半島的酒店會主打咩人?相信都係中國的旅行團﹐咁房價又點會高?
2.香港仔同埋鴨脷洲近年已經有唔少酒店開幕﹐對房價的壓力唔細
3.將來仲會有幾多訪港旅行團?
4.Blog主本身對長地+酒店呢個組合無咩好感﹐例子有紅磡同青衣的一系列酒店
5.港燈已經講明有機會需要向銀行融資借貸以支付部分補地價
到最後﹐到底港燈係長期仲有無能力保持到5厘咁高息﹐Blog主係對此有懷疑
**************************
今次的簡單評價就到呢到為止
Like + Share
戴頭盔時間
本人並非持牌人士,本人意見純屬分享。本文章不應視為任何投資之建議或邀請,投資涉及風險,如有疑問請諮詢專業投資意見
5.3里息既2638完全唔吸引。
回覆刪除5厘息的股市場確實有唔少選擇
刪除老賁講好佩服你係果堆字海拆解到佢GE背後個財技點走
回覆刪除尤其係利潤管制下用投資削弱番
仲有借長地幫手為港燈建立新收入來源....
而中電都受利潤管制問題影響, 相比之下, [發電賣電]同埋[非再生能源]呢類股收息方面係咪愈來愈少
長實出資起酒店比港燈
回覆刪除長實咁做 對長實自己有咩好處?
既然長實搞開地產 點解唔自己食左個酒店項目佢? 要透過港燈搞咁麻煩?
因為塊地係港燈﹐長實要發展就一係合作一係買左佢﹐但買左佢的話港燈就要派息比股東
刪除而且塊地升值的話港燈將來可以透過物業重估去增加收入﹐對將來收入有壓力的港燈係好事
港燈派息已3個會計年度停留在每年$0.4, 股息無增長, 靠佢收息退休未必諗得過。
回覆刪除港燈相信可以keep到派息﹐但係未年年都唔會少派息﹐咁個答案都幾肯定唔係
刪除