你有無管理好你自己的強積金？

首先係黎自蘋果日報的文章:

【趣blogblog】跌市分辦MPF真高手（股榮）



強積金一直都比香港人指責﹐話只係益左D基金佬﹐但你又有無諗過呢個情況其實你都有份造成？

相信大家係返新工個陣都會收到唔同強積金公司的資料﹐好多人都會覺得反正都要六十五歲先拎得就唔去理會。但呢個唔理會累積落去其實好大

篇文章有列出二月份唔同強積金的回報﹐以及過去一年同五年的回報。雖然二月份全部強積金都係負數(全球都跌﹐無得避免)﹐但輸家中都有勝負之分。最好的就係永明彩虹強積金（香港股票基金A）﹐跌3.73%。而最差的就係友邦強積金優選計劃-中港基金﹐要跌6.76%。兩隻基金一個月就已經相差3%！如果每個月都相差3%﹐照咁推算一年就可以相差超過三成。咁點解會有咁的情況﹐就係因為負責的基金經理無好好去選擇好的股票﹐所以未有差別。只不過的係好多時D打工仔都唔會理﹐不斷繼續選擇個個基金﹐下個月又有新的資金﹐佢又可以賺你基金手續費。所以點解會係一開始就話大家可能一直養左一堆唔盡責任的基金經理。

咁唔想咁樣﹐唔想每個月都輸比其他的基金﹐你可以做的就當然透過強積金自由行﹐將你所供私的部分轉去較好的強積金公司。如果你係轉過工的﹐仲可以一次過將之前的供款重新整合﹐等你清楚知道供左幾多﹐個數可能比你想像大得多﹐等你唔會再忽略左屬於你的錢。


如果你係想將現有的強積金轉去其他強積金公司﹐基本上你要做的就係知道你現有的強積金公司名同埋號碼﹐填相關的表後然後通知新的強積金公司。如果你係唔知點做的﹐最簡單方法就係問新個間強積金公司﹐一定會有職員教你點樣由一開頭填表去知道番過往紀錄到點樣轉移去新公司。

我地無得選擇供唔供﹐但唔代表我地無野可以做﹐做投資最簡單目標當然係想有高回報﹐管理你的強積金就係其中一倘方法。