[短評]國泰可能收購香港快運

其實呢單傳聞係出上一篇國泰(簡單拆解因航盈利預喜 傳送門)個陣都已經出現左﹐只不過國泰就未有正式回應。到左今日就正式出通告(連結)話可能收購香港快運航空有限公司HK Express(唔好搞錯﹐呢間姐係UO紫色個間﹐唔係HX香港航空紅色個間)


(誤)

傳統航空推出廉航就唔係咩大新聞﹐近近地日本的ANA航空﹐旗下就有樂桃航空同香草航空；新加坡的新航就有Scoot；澳洲的Quantas就有Jetstar；德國的漢莎就有Eurowing。所以國泰收購Express並唔係咩新奇野。


國泰近年的業績有幾"好"就真係唔使講﹐16,17年都係蝕錢﹐要去到18年先至可以轉虧為盈。而近年國泰一直都受兩邊夾擊﹐長途受到中東三寶打擊﹐短途就受到一堆廉航打擊。國泰一直都提出以服務質素同埋直航去吸引乘客﹐只可惜佢的服務質素就一直下降﹐令到乘客流失去其他航空公司。而國泰一直都話考慮引入廉航服務﹐希望減少乘客流失﹐只不過廉航唔係話開就開到﹐市場上又好少會有出售廉航公司。今次就難得比國泰管理層認真諗下買唔買。

咁如果買左﹐到底對國泰係好定唔好？等我同大家一齊數下﹐有意見都可以留個言話我知

好:

1. 搶到客源 

2. 擴闊版圖

3. 可以做到市場區隔(market segmentation)﹐國泰本身的機票價格可以提高番﹐等負擔唔起的人轉搭廉航

唔好:

1. 幾肯定國泰係要借錢去買﹐增加國泰負債

2. 會拉底overall平均乘客收入

3. 廉航的機大部分都係舊機﹐增加維修支出同埋係會計上折舊增加

而家國泰只係出左可能收購事項通告﹐姐係話有排都唔會有任何消息。唯有等下之後仲會有咩傳聞出黎