話說我個Blog有幾篇文一直都keep住有人click﹐其中一篇就係講港燈的業績(2017年度)(連結)﹐呢篇文係18年3月寫﹐就算一年後到左2019年都仲有人流。咁當然港燈18年最新的業績都出左﹐咁就當然會再寫下佢﹐同時就睇下自己一年前的預測準唔準。
以下所有圖片﹐如無特別標示﹐都係來自港燈【二零一八年全年業績】 (連結)
老實講﹐18年盤數其實唔係今次要講的重點﹐但Blog主都好快咁講下
收入比17年跌左0.7%﹐經營溢利跌左3.7%。另一方面﹐財務成本大增左一成四﹐除稅後溢利就跌左7%。每股計溢利係34.5仙﹐但係派息就全年40.4仙﹐姐係話港燈又再一年派突…….
如果要真實反映港燈的派息能力﹐以下呢幅圖就最清楚:
可以見到港燈其實可分派收入係比17年少左一半有多﹐主要就係因為燃料價格調整條款賬同埋資本支出﹐咁姐係點？姐係話港燈已經無錢再係咁保持派咁高息﹐只係不斷係個燃料價格調整條款賬入面拎番錢出黎派比股東。
咁又姐係咩意思﹐姐係話港燈之後就可以大大聲咁要求加電費。
好﹐之後就開始到左重點部分
第一: 流動資產
(來源:港燈2014至2018年全年業績)
可以見到港燈的流動資產係年年都跌緊落去﹐18年仲要係咁多年中最差﹐當然其中一個原因就係要保持個派息金額ma﹐特登拎多20億出黎派﹐未無錢留番係公司。而流動資產淨額係已經連續三年都負數﹐姐係話手頭上的流動資產係唔足以還黎緊一年的債(PS: 又或者可以用流動比率 = 流動資產/ 流動負債去睇 )。當然就唔使擔心港燈無錢還﹐只不過咁的情況好肯定係之後會越黎越差﹐原因就係因為以下第二點
第二: 新《管制計劃協議》
上一篇都講過﹐新《管制計劃協議》19年就已經實行﹐港燈的准許利潤回報率就由9.99%跌到8%﹐有多就要落電費穩定基金。正如上一篇所講﹐由於利潤上限係以固定資產價值做分母﹐資產價值無增加下姐係話會賺少左。
當然港燈係可以以增加資產價值去提高個分母以增加番收入。但咁就會出現左另一個問題:
因為我的收入少左﹐所以我要錢去起野從而增加個收入
咁D錢係邊到黎?????
一係就借﹐一係就減少派息
因此港燈一出業績﹐就令市場O左咀
Blog主稱呢個叫做「派息預警」
大行就都即刻出黎
(來源: aastock)
港燈作為收息股﹐講明黎緊幾年派息會比而家少兩成﹐咁個市場就當然唔同你客氣﹐業績一出後個股價就跌左4%﹐相信黎緊股價仲有唔少壓力。
係上一年個評價﹐最後就問港燈係長期仲有無能力保持到5厘咁高息。到左今年﹐個答案都幾肯定係唔得﹐除非個股價有大幅度的下跌先得。
今次睇港燈的業績就暫時去到呢到
戴頭盔時間
本人並非持牌人士，本人意見純屬分享。本文章不應視為任何投資之建議或邀請，投資涉及風險，如有疑問請諮詢專業投資意見
謝謝分析！
回覆刪除