(來源: aastock)
呢單新聞﹐其實都唔係咩咁出奇﹐因為東亞一直都係大陸做好多的貸款生意﹐而大家如果有留意上面的經濟的話都知呢幾年係差左好多(趁仲未通過要講壊話就好講晒佢)﹐無論係國企銀行定係民營銀行﹐壊帳都已經成為重點﹐更何況東亞呢間外資﹐點可能可以同上面其他銀行鬥。要做到生意就唯有做其他銀行唔做的生意﹐但因此個風險都大好多。
今次就話因為貸款減值損失而預期中期業績會出現顯著下降﹐預期減值損失25億至 30 億港元﹐而佢上年中期業績股東應佔溢利都只係唔夠40億﹐咁姐係話有可能上半年無錢賺。咁當然而家就未肯定最後個減值損失係幾多﹐話可能最後無咁多。但個市場又點會只係睇你而家呢一筆﹐更重要係其他係大陸的貸款情況係點﹐由其東亞有四成貸款係大陸。
(來源: 東亞2018年報 連結)
(來源: aastock)
當然東亞都有講到一級資本預期6月底都仲有14.5%﹐話高過要求﹐簡單一句姐係無問題。但派息方面就當然無講會唔會影響﹐而其他貸款係點又當然隻字不提﹐呢樣野先至係令人最擔心。
出文個日東亞就跌左9%﹐唔止穿晒52周低位﹐原來仲係3年低﹐接近16年年頭個陣個價﹐無眼睇…
沒有留言:
張貼留言