拆解中電業務(下)

未睇上半部分就睇左先

(連結)

(都係個句﹐如無標示﹐圖片都係來自以下公告

2018 中期報告

2017年報 (綜合報告) (附可持續發展報告的連結)

26/02/2018 | 2017全年業績簡報會PowerPoint業績簡報

)

中國

首先比大家睇一幅盈利圖

睇完真係會講句DLLM

年報就解釋左點解會有咁大幅度的下跌

“煤炭價格於2016年下半年開始飆升”﹐咁姐係有幾勁？

(來源: CEIC 連結)

由16年頭的三百人民幣一噸升五成以上至近五百人民幣﹐而且可以見到18年個價都係無咩點跌﹐姐係話18年發電的成本無下跌。

“加上電力行業產能過剩” ﹐咁姐係又幾產能過剩？(PS: 產能過剩呢幾隻字真係由四萬億(PS2:唔知咩就直接google 打四萬億就會有答案)開始都唔知聽左幾多年….)

睇完個表真係DLLM﹐使用率只有兩成幾的發電廠﹐咁樣仲賺到錢都已經好勁。根據年報﹐使用率咁低的原因一黎係因為受政府限制火力發電﹐二黎就係受到進口煤炭的限制。就算無論可再生能源同核電部分有盈利增長﹐都唔可以補償番晒﹐所以最後17年比16年要跌近兩成。

火力發電部分係17年上半年係要蝕三千五百萬﹐到左全年就變成賺四千五百萬﹐姐係下半年係賺左八千萬﹐18年上半年都係一樣賺八千萬。係咁的情況下﹐點樣先至可以去番16年全年賺四億三千萬？？？

(18年上半年數字來源: 06/08/2018 | 2018年中期業績簡報會PowerPoint簡報 連結)

展望

由於中電係中國的部分業務係靠燒煤發電﹐好受到中國近年的環境政策影響。中國為左減少空氣污染﹐已經開始減少燒煤黎發電﹐再者中國而家仲有好多燒煤的發電廠﹐競爭相當激烈。只可惜的係中電唔可以好似香港咁加電費﹐因為電價都係受政府控制﹐無得話因為成本高左而加價賣比電網。中電而家的方案就係增加非火力的發電﹐等中電可以賣到多D電比電網﹐減少因為受政府限制而導致利潤下跌。其中17年尾就收購左陽江核電有限公司17%的股權﹐希望可以增加係核電的收益。

只可惜的係按照而家咁的情況﹐短時間內都睇唔到中電點樣可以補償番係火力發電跌左八成的利潤。因此都好大機會係黎緊幾年中國的收益都係會按年下跌

印度

中電係印度的業務唔大﹐盈利計只係佔中電唔夠5%﹐但17年盈利就升左38%﹐主要就係因為火力發電廠使用率由16年的27%升至17年的50%﹐而中電更加指出17年下半年係達到65%﹐令到火力發電部分的盈利按年升左六成。只可惜就係業務受到可再生能源按年下跌19%而拖低左。

展望

印度增長強勁﹐相信對電力需求只會不斷上升﹐只要可再生能源部分的盈利可以增長﹐前景就會好唔錯

澳洲

首先比大家睇的係中電過去12年係澳洲的收入同埋營運溢利圖表

(來源:2007-2017年年報)

正如一開始所講﹐中電最出名的海外業務係黎自澳洲﹐佔整間中電盈利有兩成﹐但係也都係澳洲的業務成為中電的污點。中電係2011年收購EnergyAustralia能源零售業務﹐因此可以見到11年起收入升左一倍﹐但問題係營運溢利不但無好似收入咁升一倍﹐仲係2013年出現蝕錢。當年如果剩係計一般營運都仲有一億賺﹐問題就係出現左大額減值及撥備。咁點解會有咁大額的減值？

(來源: 27/02/2014 | 2013年全年業績簡報會 連結 )

(來源: 2013 年報 連結 )

13年中電因為澳洲的用電量同批發價都下跌的情況下為澳洲的資產做出一個大額的減值﹐仲指出就算已經減產﹐都唔可以減慢批發價的下跌。當時有傳中電將澳洲的資產分拆上市﹐但最後就話因為估值唔吸引先至無分拆。而除左用電量同批發價的問題外﹐另一個問題就係指出澳洲政府係能源方面的政策不利中電的發展。係去到近幾年先至開始有慢慢慢的增長﹐但到左幾時先至可以有一個穩定的增長﹐連中電都唔敢比到一個答案。係18年上半年的業績﹐中電係澳洲的業務就比17年上半年增長唔少﹐只係中電指出呢個情況係下半年未必會保持到﹐因為預期發電批發價會下降

【挑戰重重】中電料下半年業績受壓

(來源: Now 新聞)

今次拆解就去到呢到﹐覺得唔錯的就share開去

PS:

1. 中電的年報可以話係新手都睇得明﹐而且顏色鮮艷﹐唔會太沉悶

2. 年報入面有個表教你點樣去睇佢份財務報表﹐對於無讀過會計的人黎講係學習睇財報的好方法