拆解煤氣業務(二)

未睇上一篇的就睇左先
連結


點解大陸業務會有咁大的增長？未又係因為大陸不斷希望改善空氣污染﹐推行煤改氣﹐而且想改用天然氣發電。種種的政策因素都為煤氣同港華燃氣提供一個業務推進劑。

而且由於城鎮化的因素﹐一黎已經有好多的地區唔再用煤黎去取暖﹐二黎中產崛起﹐開始追求更高質素的生活﹐開始使用煤氣爐、乾衣機等的設備﹐增加左對燃氣的需求。
煤氣係大陸的主要業務係倏管道輸氣同埋城市供氣﹐姐係做中下游業務。相比起上游的開採業務﹐管道輸氣的前期支出就只有管道鋪設﹐資本支出無咁大﹐而且起好後可以話係訓係到收錢﹐唔怕天然氣價格的上升下跌﹐唔會有大型的不確定性因素存在。但煤氣近年來都開始染指上游的業務(包括係大陸同泰國)﹐希望只係作為業務的一小部分﹐唔係的話資本開出一定會增加。
煤氣係大陸的管道輸氣業務為煤氣可以得到唔少的工商業客戶﹐呢D客唔會咁易就轉去第二間﹐為煤氣保持長期穩定的收入。

連結

由上面幅圖可以睇到工業佔銷量超過一半﹐原因就係之前所講的天然氣發電。煤氣透過管道供氣比發電廠發電﹐煤氣作為中游的公司﹐可以將天然氣的價格轉移比發電廠﹐係咁的情況下煤氣就唔會咁易受價格波動而造成盈利大幅的下降。

(來源: 我國天然氣發電發展現狀及前景展望 連結)

講左唔少煤氣係大陸的燃氣業務﹐係時候講下佢係大陸的另一個業務。相信呢個業務唔會好多人知道﹐甚至連Blog主都係睇佢份年報先知。煤氣係大陸已經有埋供水同埋污水處理業務。旗下的附屬公司華衍水務就係大陸提供服務﹐當然個規模無煤氣咁大﹐業務係2005年先開始係江蘇省及安徽省發展﹐現時只有係五個城市提供供水同埋污水處理。

之後另一個業務你未必知﹐但間公司名你就應該聽過。新能源項目﹐旗下的公司就係易高。係香港最出名就當然係液化天然氣加氣站﹐除左係香港﹐佢係大陸都已經有超過五十個液化天然氣加氣站。另外易高也都同香港機場管理局簽訂四十年合約﹐係香港為飛機提供燃料。

(連結)

(因為中文版係簡體﹐所以唯有po英文版)

要突出易高係煤氣的重要性﹐可以睇以下兩幅圖就知﹐一幅係溢利的分拆﹐一幅係業務的預測

(來源: 香港中華煤氣2017年業績簡報   連結)


講到呢到﹐都講左煤氣唔少係燃氣方面的業務﹐係時候講下佢係非燃氣的業務。

***************************************************************************
下篇幾時會有？睇大家仲有無興趣睇落去