難得今日有心情想寫文﹐今次要講的就係兩隻股票﹐一隻就係香港寬頻 (1310.hk) (我係會叫佢做broadband)﹐另一隻就係和記電訊香港(215.hk) (我係會叫佢做老和)
兩隻都係香港電訊股﹐但業務就當然唔同﹐相信大家都知佢地係做咩。
今次個故事係由老和講起
所有股價圖都係黎自aastock
(來源: 財華社)
係以前老和係有流動通訊同固網寬頻業務﹐而固網寬頻就主要都係商業部分。係17年老和就賣左寬頻固網業務比一間基金﹐咁老和就剩番流動通訊業務。個陣賣左之後就當然有一筆錢﹐個陣因為管理層無計劃會用黎收購其他業務﹐咁當然股東就當然想間公司派特別息。而個股價都一直受呢個因素而炒起左。係18年頭出業績之前﹐大家都期望佢會派錢﹐個股價仲炒到上3.5。但當然個陣最後係無派﹐而個股價就即刻急插番到2.8。
故事跳到19年﹐佢終於都派錢﹐總共派0.832﹐而個股價都由年頭的3蛟升到派息前的3.5
但當除淨左之後﹐個股價就簡直係直線插到底﹐寫文個日去到1.93。簡單一計﹐計埋個息係仲低過年頭個價。
殘酷的老和故事講完﹐咁broadband係未會比到一個美滿的故事大家呢？只可惜都唔係
初頭broadband的故事好吸引人﹐家居寬頻年年有增長﹐仲話已經吸引唔少香港電訊(6823.hk)的客戶轉左去broadband﹐就算加價走左一部分客都唔怕
香港寬頻月費加近3成 加價趕客未驚過
(來源: 蘋果動新聞)
而重點係broadband用超過100億收購匯港電訊 (ps: 匯港電訊前身就即係九倉電訊﹐主打商業寬頻)
(來源: rthk)
當通訊事務管理局批准呢單收購後﹐broadband個股價就即時升到14.5﹐因為大家都希望商業客戶可以成為broadband另一收入來源
但當大家都滿心歡喜﹐broadband就突然係18年股東會上面講話要減價搶客
然後個股價就好現實反映
故事就講完﹐有咩啟示？
- 唔好為左特息而去買入﹐另一間+x的公司電能(6.hk)已經有前科
- 業務比錢更重要﹐老和而家得番流動通訊﹐前有香港電訊﹐後有broadband﹐業績好難睇好
- 一間公司吹到越大﹐一失敗個市場就完全唔比面﹐broadband如是﹐其他上市公司都如是
- 香港的電訊市場其實係好難玩
今日就講到呢到﹐下次再同大家分享
(ps:有無發覺Blog主無提及過另外一間香港的電訊公司﹐咁係因為佢已經俱往矣)
沒有留言:
張貼留言