樓價貴又係未代表你唔使儲錢

見到蘋果有個報導﹐訪問班後生仔有無儲錢﹐點知片中無一個人有話儲錢。咁當然好大機會係特登cut出黎﹐但入面班後生仔洗錢的方式都真係令我O咀


【月光族】年輕人裝身+打機+食=成份糧 「我唔會儲錢，除非要買嘢。」
(來源:蘋果)

裝身+打機+食=成份糧？

裝身

如果你係返緊office工﹐其實平時都係著裇衫西褲﹐都只係方放假先至著便服﹐其實都唔使要咁多套衫。裝身係需要﹐但如果一味追求名牌﹐你又有幾多錢可以追到咁多

打機

不得不認老﹐又或者係因為唔鐘意打機﹐只係有比錢買game而無課金﹐每個月比錢打機﹐換番黎係咩？快樂？係朋友前威？值唔值每個月咁樣比幾百蚊換黎虛無的感覺

食

其實食方面都有得慳﹐你平時出街係未成日掃街﹐左一杯台式飲品﹐右一個最新推出的街頭小食？咁你D錢未就係咁洗左﹐而且到最後又會話肥左﹐到時又話要比錢去減肥

與其成日話無錢﹐倒不如首先諗下自己洗左去邊﹐同埋到底值唔值自己返一個月工而換黎個D的消費