置富業績

到左年中﹐又係公司出業績的時間。
今日講左隻置富先﹐下次先至再講長建。

以下所有圖片如無指明都係來自以下公告

截至2018年6月30日止六個月的中期業績公告及暫停辦理基金單位持有人過戶登記
連結


大數

正如附註所講﹐由於會計準則有更改﹐會係17年的收益有所更改﹐主要影響係計數一整筆收入時應該係邊個時刻入賬﹐所以會同17年份半年報有所分別。

收入多左2%﹐收入淨額多左3%﹐相差就係因為物業營運開支比17年少左大約一百萬。

分派多左3%﹐算係唔錯。

特別事項
要留意的係今次盤數反映左賣北角和富薈的收益﹐收益大約9.4億﹐所以會多左一項"出售一間物業公司收益"係P&L出現﹐令到收入大增。

而另一個令收入大增的原因又係公平值變動﹐因為個回報率跌左0.25%去到4.3%﹐所以比17年多左近20億......

咁當然呢兩條數最終都唔會派比股東﹐所以都係去番最重要個表

可分派收入多左3.7%﹐繼續keep住有增長

置富嘉湖
嘉湖的改善工程就已經開始左﹐第一個影響就係佢的出租率下跌(2018:94%, 2017:97.7% ,2016:98%)。如果大家仲記得的話17年全年嘉湖的收入佔總收入淨額的兩成﹐出租率下跌一定會對收入有所影響﹐影響幾多就要等年報出左先至可以清楚了解。置富就話工程會分階段於2019年底前完成﹐咁姐係個影響起碼仲會持續到下年。



到最後﹐又到左大行時間

《大行報告》高盛：置富(00778.HK)中期業績符預期 上調目標價至10.15元
《大行報告》美銀美林：置富(00778.HK)估值合理 目標價上調至10.2元

來源:aastock